Na critical el condicion del un soldao del Philippine Navy despues ya tira conele el un persona serca na su casa na Salamat Village, San Roque del Biernes por la noche.
El victima amo si Sgt. Fredencio Sabangan Braba, 41, designao na Tawi-Tawi y ta queda na San Roque.
El victima ya sostene un tupada de bala na su cabesa y dayun conele ya lleva entabla na hospital.
Asegun con el cuantos testigo na lugar, serca man ala 8 del noche cuando embarcao si Braba na pedicab serca ya na destos casa cuando el un persona armao de pistola ya aparese y ya tira conele na cabesa.
Masquin irido ya si Braba ya puede pa este estindi para na su casa pero el criminal ya hace pa lagas conele y ya tira pa por unavez pero nohay mas tupa el Segundo tiro.
El criminal ya escapa para na Southcom Village despues del incidente.
El criminal ta bisti negro T-shirt con negro sombrero y unpoco gordito el cuerpo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
