South Cotabato naka-alerto human nasikop ang medic sa NPA

17

[image: 41295345_1957899774253319_6154642909162373120_n.jpg]
Nakataas karon ang alerto sa South Cotabato Provincial Police Office sa posibleng pagpanimalos nga himuon sa rebeldeng NPA human maaresto si Maria Liwanag Fernandez nga regional medical officer sa NPA – Far South Mindanao Regional Committee matod kay Supt. Marvin Dua-dua ang spokesperson sa SCPPO.

Si Fernandez nadakpan sa mga intelligence operatives sa PNP og Army sa may Barangay General Paulino Santos human nga nag-atubang kini og kasong kidnapping and serious illegal detention may kalabutan sa pagdagit nilang Sgt. Solaiman Calocop ug PFC Samuel Garay nga parheong sakop sa 39th Infantry Battalion sa Barangay Telefas, Columbio, Sultan Kudarat niaging February 2, 2017.

Gibuhian ang mga gipangdagit nga sundalo human sa kapin bulan nga pagkabihag sa mga rebelde didto sa Davao del Sur.

Samtang may narekober ang kapolisan og M-203 rifle grenade ug improvised explosive device ngadto sa nadakpang si Fernandez.

Matod sa militar usa ka taas nga ranking official sa NPA – FSMRC og pag-umangkon ni Bubu Fernadez, ang deputy secretary-general sa NPA-FSMRC ga-operate sa Central Mindanao.

Facebook Comments