South Cotabato nakabaton sang panibag-o nga supply sang COVID-19 vaccine.

12

Magapadayon sa masunod nga semana ang vaccination sa South Cotabato, matapos nga nakabaton sang 5,700 doses sa Sinovac’s CoronaVac vaccine halin sa Department of Health – Center for Health Development SOCCSKSARGEN Region subong nga adlaw.
Ini ang kabahin sang 25,500 doses sang vaccines nga gindeliver sang DOH 12 sa mga provincial kag city health offices subong nga adlaw sa diin nakabaton ang Cotabato City sang 5,000; General Santos City, 5,000; South Cotabato, 5,700; Cotabato Province, 4,900; Sarangani, 850; kag Sultan Kudarat, 4,050.

Sa 5,700 vials sa Sinovac’s CoronaVac vaccine nga gin-alokar sa South Cotabato; 2,500 dire ang para sa Koronadal City nga may pagsaka sang kaso sang COVID-19.
Samtang ang lima ka mga local government unit naman kapareho sang Polomolok ang nakabaton sang 500; Sto. Niño, 400; Norala, 400; Lake Sebu, 400 kag Tampakan, 500.
Ang banwa naman sang Tupi, Tantangan, Surallah, Tboli kag Banga ang makabaton sang 250 vials sang bakuna suno sa pamunuan sang Integrated Provincial Health Office.
Ang nasambit nga bakuna ang para sa first dose sang mga nabilin nga medical frontliners (A1), senior citizen (A2), kag persons with co-morbidity (A3).


Facebook Comments