South Cotabato Provincial government padayon pagbakal sang mga produkto sang palay sa mga mangunguma sa mas mataas na presyo.

Ginaawhag ni South Cotabato Provincial Agriculture Officer Raul Teves ang mga mangunguma sa probinsya nga i-avail ang P15 million nga palay support fund sang provincial government.
Suno pa magpadulong lamang ang mga mangunguma sa ila nga opisina agud nga maisplikaran kon ano ang dapat nga himuon agud makabenepisyo sang nasambit nga programa sang local nga panggobyerno.
Katuyuan suno pa sang programa nga baklon sang 19 pesos kada kilo ang produkto nga palay sang mga mangunguma sa South Cotabato tungod sa padayon nga pagnubo sang buying price sang palay sa probinsya sa subong.
Halin P10 million sang nagligad nga tuig ginpasakaan sa P15 million sang provincial government ang pondo para sa palay procurement subong nga tuig.
Suno pa nagalab-ot sa 4.15 metric tons sang palay sa South Cotabato ang maani subong nga planting season sa mga banwa sang Sto. Nino, Norala kag Surallah.
Mas manubo suno pa ang nasambit nga target nga walo tubtob napulo ka metriko tonelada.
Base sa daos sang office of the provincial agriculturist yara pa lamang sa masobra 900 ka ektarya ang naani sa mahigit 13 thousand hectares nga palayan sa South Cotabato.

Facebook Comments