SP South Cotabato gin-aprobahan ang authority kay Governor Tamayo nga magbakal sang 65k bags sang NFA rice kag paggamit sang masobra P33.6 million 2020 PDRRMF-IP quick response fund para sa COVID-19 programs.

22

Duha ka mga resolution ang ginparobahan sang mga katapo sang Sangguniang Panlalawigan sa ginpatigayon nila nga special session sang Sabado nga adlaw, Abril 4 para sa intervention sang provincial government sa subong nga sitwasyon nga ginapatuman ang enchanced community quarantine kag calibrated lockdown sa probinsya tungod sa paadam sang coronavirus disease 2019 ukon COVID-19.
Una nga gin-aprobahan sang SP ang hingyo ni South Cotabato Governor Reynaldo Tamayo Jr. nga pagpasar sang resolution nga nagauthorize sa iya nga magbakal sang 65,000 bags sang bugas sa National Food Authority ukon NFA para sa ginapatigayon nga relief operations tungod sa epekto sa katawhan sang COVID-19 pandemic.
Ikaduha ang request sang gobernador angot sa adoption kag approval sang 2020 PDRRMF-IP quick response fund nga nagakantidad sang P33, 675,060.00 nga gamiton para pondohan ang mga response programs sa COVID-19 sa probinsya kapareho sang food assistance, personal protective equipments kag iban pa.
Madumduman nga una na nga gin-aprobahan sang SP ang yara sa P35 million PDRRMF trust fund nga gingamit man para sa COVID- 19 programs kag intervention nga halos ubos na suno pa matapos nga lakip sa nasambit nga pondo ang pagkaayo sang quarantine facilities, medical assistance, medical and laboratory supplies kag iban pa base sa kumpirmasyon ni PDRRM Officer in charge Rolly Aquino sa pag-atubang sini sa ginpatigayon nga SP special session.
Sa iya pag-atubang sa SP ginpahayag sang gobernador ang katuyuan niya sa pagpangayo sang authority nga makabakal sang 65k bags nga bugas sa NFA agud mareserve na kag makakinot ang provincial government kag yara sa 2020 PDRRMF-IP quick response fund ang P15 million nga ibakal sang bugas.
Nahibaluan nga gin-extend ang enchanced community quarantine kag calibrated lockdown sa probinsya tubtob sa Abril 14.

Facebook Comments