SPES program nangita og 100 job seekers

Davao City – Nanginahanglan og usa ka gatos ka mga indibidwal ang Public Employment Service Office kun PESO-Davao alang sa Special Program for Employment of Students (SPES) Program alang sa last quarter karong tuiga.

Sa interview kang Lilibeth Pantinople, PESO-Davao manager atol sa tulumanong Serbisyong Straight to the Point, kutob karong adlawng Huwebes nalang, Nobyembre 29 ang pagdawat nila og application alang sa SPES gumikan magsugod na sunod semana ang trabaho depende kung qualified ang mga nag-apply.

Aron mamahimong kwalipikado, kinahanglan college students pa ug dili wholeday ang klase aron maka part time job, Out-of-School Youth nag edad 15-30 years old, wala pa mi-graduate og college, ug dapat dili mulampas sa 130,000 pesos ang annual income sa mga ginikanan.


Alang sa mga interesado, gibutyag ni Pantinople ang mga rekisitos nga angay dad-un sa pag apply sama sa Photocopy sa Birth Certificate, Income Tax Return sa ginikanan last year o kung wala pa pwede ra kining isunod og pasa, school records ug resume diin ipasa kini ngadto sa PESO-Davao main office nga nahimutang sa may Almendras Gym Compound, Quimpo Boulevard ning syudad.

Sagad nakigkoordinar sa PESO-Davao aron makapangita og mga muapply mao ang fast food chains, Malls, ug massage clinic.

RadyoMaN Renz Barbarona

Facebook Comments