‘Spiritual literature’ sa quarantine patients giduso

15

Davao City – Gihatagan karon og atensyon sa konseho ang pagbaton og spiritual nga pagtulun-an sulod sa quarantine facilities asa nahimutang ang mga pasyente nga infected sa Coronavirus Diseas 2019 (COVID-19).

Atol sa 19th City Council of Davao, 2nd Regular Session via Zoom kagahapong adlawa (Enero 12, 2020), gisugyot ni Davao City Councilor Diosdado Mahipus Jr., nga subay sa pagsuporta sa selebrasyon sa National Bible Month, panahon na usab nga magbaton og ‘spiritual literature’ sulod sa mga quarantine facilities labi na daghanang pasyente ang labing naapektuhan tungod sa pandemic.


“This might be proper time to request the IATF (Inter-Agency Task Force) to provide spiritual literature to our quarantine patients,” matud ni Mahipus.

Suportado usab sa ubang konsehal ang maong sugyot diin sa kasamtangan aduna nay naga distribute og mga Bibliya sa mga quarantine facilities pinaagi sa mga pastor o spiritual leaders.

Nasayran nga gikonsidera usab ang katapusang semana sa Enero isip National Bible Week subay sa selebrasyon sa National Bible Month sa Enero matag tuig.

RadyoMaN Kirby Manzon




Facebook Comments