Davao City – Nabalaka si Dr. Ricardo Audan nga sa Southern Philippines Medical Center (SPMC) nga mahan-ok ang COVID-19 patients nga wala na maakomodar sa ubang mga ospital gawas sa Davao City tungod sa kakulangon sa kama ug isyu sa oxygen supply.
Segun niini, 100% na nga occupied ang tanang COVID-19 beds sa SPMC ug prayoridad sa pagkakaron ang mga pasyente sa dakbayan sa Davao.
Matud niini kinahanglan nga mangita og paagi ang mga kasikbit nga mga ospital sa Davao Region nga mag-expand og mga isolation beds.
Kinahanglang adunay klarong referral ug makigkoordinar usa sa ONE HOSPITAL COMMAND una man ideretso sa SPMC ang usa ka COVID-19 patients tungod usab sa puno na nga capacity sa mga ICU ug isolation ward sa SPMC.
“We want to have a coordinated referral and we cannot turn down also. Mao ng ingon ana unta ang mga provincial hospital ug lain pang mga ospital dili kay dili na sila mudawat og pasyente, they have to find ways,” sumala niini.
Gipaniguro sa SPMC nga adunay saktong oxygen supply tungod sa pagdaghan pa sa kaso sa COVID-19 sa Davao tungod sa Delta variant.
RadyoMaN Aimee Guinita
