SPMC isolation beds warning level na

Davao City – Miabot na sa 76 % ang nagamit nga isolation beds alang sa COVID-19 patients sa Southern Philippines Medical Center o SPMC.

Sa pakighinabi sa DXDC RMN Davao kang SPMC officer-in-charge Dr. Ricardo Audan, gibutyag niini nga kapin 100 na ang nagamit nga isolation beds sa maong ospital.

“Ang atong isolation beds mao ning medyo nag abot na og warning level kay ang na-occupy nga bed 163 out of 215 beds so 76%. Ang warning is 70 %, ang critical level 80 %,” segun ni Audan.


Kini subay sa ilang natala nga datos as of September 22, 2020.

Dugang niini, ang ICU beds anaa sa 22.56 % ang na-occupy.

Samtang kagahapon usab base sa datos sa SPMC, 19 katao ang nagpositibo sa COVID-19, 18 ang nakarekober.

Sumala ni Audan, mas daghan na matud pa ang nakarekober sa COVID-19 sa maong ospital.

RadyoMaN Renz Barbarona

Facebook Comments