Davao City – Kinahanglan mupatim-aw sa opisina sa Social Security System kun SSS ang mga 85 years old pataas nga retiree pensioners lakip ang survivior ug death pensioners kada tuig.
Kini ang tubag ni Greta Quayle sa SSS Davao atol sa interview kaniya ni RadyoMaN Misel Miral sa tulumanong Serbisyong Straight to the Point subay sa mga pangutana bahin sa pension.
Sumala ni Quayle nga ang mga retiree pensioners nga 84 anyos paubos dili pa kinahanglan magreport sa SSS apan ang unang mga nasangpit kinahanglan matud pa magpakita kada tuig sa ilang opisina.
Dugang pa nga og di makaadto tungod sa medical status, mamahimong magpadala lang og representante didto sa SSS bitbit ang medical certificate nagpamatuod nga buhi pa ang nagadawat og pension aron ang doktor na mismo muadto sa balay sa maong pensioner ug aron usab padayon pang makadawat og pension gikan sa SSS.
RadyoMaN Renz Barbarona
