Statement sang Negros Press Club sa temporaryo nga pagsira sang The Visayan daily Star

32

Nagpahayag sang kasubo ang Negros Press Club (NPC) angut sa natalana nga temporaryo nga pag-sira sang pamantalaan nga The Visayan Daily Star sa Agusto 31, 2020.


Sa statement nga ginpagwa sang NPC, ginpahayag sini nga naga-atubang sang mabudlay nga panahon ang media industry ilabi na sa tunga sang COVID-19 pandemic.

Matapos ang natalana nga pag-untat sa operasyon sang ABS-CBN sa August 31, isa naman ka hangkat ang gina-atubang sang industriya, ang temporary closure sang sini nga pamantalaan.

Suno sa NPC, ang pag sira sang amo nga mga media outlets ang isa ka daku nga kakulangan sa local media industry.

Nagapati ang liderato sang NPC nga karon ang panahon sang pag-isa kag ipabilin ang pagtuo agud mapadayon ang handum nga mahatag sa publiko ang serbisyo nga nagakadapat sa ila.

Apesar sini, wala nagadula sang pag-asa ang NPC nga liwat magabangon ang ini nga mga media outlets.

Ginpasalig sang NPC ang paghatag assistance sa mga apektado nga katapo sang media.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments