Dakup ang step father nga suspek nga gina-allege naglugos sang iya manak (step daughter) sa isa ka barangay diri sa syudad sang Bacolod pasado las 3 kaina sang kaagahon.
Ginpahayag nga ang biktima isa ka 11-anyos nga bata nga babayi samtang ang suspek naman, 27-anyos nga lalaki, stepfather sang biktima.
Base sa investigation sang Police Station 9, nagpanugid ang biktima sa iya iloy nga makapila ka beses na gali ini nga ginhimuslan sang iya stepfather kag nahadlok lang nga magpanugid bangud nga ginapahog siya sang suspek.
Kaina sang kaagahon nasulit ang paghimulos sa biktima kag gilayon naman nagpalagyo ang suspek matapos ang insidente.
Sa ginpatigayon nga hot pursuit operation sang otoridad, nadakpan ang suspek sa tunga sang kampo sang tubo nga nasakupan sang Purok Kabukiran, Barangay Tabunan syudad sang Bago.
Suno sa otoridad nga may dala pa nga binangon ang suspek rasun nga nadugayan ang pagdakup sa iya, apang sa bulig sang utod nagsungka naman ini sa kapulisan kag detinado sa karon sa custodial facility sang PS9.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
