Sto. Nino Mayor Pablo Matinong ilubong na subong nga adlaw.

23

Igadul-ong na sa iya pinakaulihi nga palahuwayan subong nga adlaw si anay Sto. Nino Mayor Pablo Matinong Jr., sa diin igalubong ini sa public cemetery sa banwa, suno kay Mayor Solly F. Villalobos.
Ginpahayag sang alkalde nga alas 7 subong nga aga dal-on ang bangkay ni Matinong sa simbahan kag pagkatapos sang misa iagi ini sa munisipyo para sa final viewing sang mga pumuluyo sa banwa bag-o dal-on sa sementeryo.
Pasiguro man ni Villalobos nga istrikto nga ipatuman ang health protocol kadungan sang lubong sang anay alkalde sang banwa kag subong man pipila ka mga polisiya ang ipatuman.
Isakay naman suno pa ang bangkay ni Mayor Matinong sa kalesa.
Samtang aminado si Mayor Villalobos nga wala pa nahatagan sang hustisya ang kamatayon sang anay alkalde amo nga ginahangkat nya ang kapulisan nga magdouble time agud madakpan ang suspetsado sa kamatayon sang opisyal.
Nahibaluan nga gintiro patay sang Hulyo 10 si Mayor Pablo Matinong samtang nagapatigayon sang inspeksyon sa proyekto sini sa banwa.

Facebook Comments