Subject sa Ronda sa kapulisan, gibati ug kadismaya

General Santos City—Gibati ug kadismaya ang usa ka negusyanteng si Merly Batadlan nga taga Lanton, Barangay Apopong, Gensan, human nga giraid sa kapulisan ang ilang paniamlay kaadlawon kagahapong adlawa.

Sumala niini nga sila sa iyang pamilya walay gihimong dautan ug usa ka pamatuod niini ang negatibong resulta sa ronda sa PNP sa ilang panimalay.

Sumala sa ginang nga siya usab ang iyang bana naningkamot ug sakto aron ilang maangkon ang kaharuhay sa kinabuhi.


Dugang pagbutyag ni Batadlan nga posibling aduna lay nasina ngadto kaniya maong sila gibutang-butangan ug estorya nga kuno sila nalambigit sa iligal nga gimbuhaton.

Gihingusgan sa ginang nga kung sila nadatu man kini pinaagi sa ilang gisudlang negusyo ug dili pinaagi sa iligal.

Nagpasalamat sab kini sa kapulisan nga naghimo ug ronda sa ilang panimalay gumikan gisunod matud pa ang saktong proseso sa ronda.

Facebook Comments