Arestado ang duha ka lalaki sa ginhiwat nga buy bust operation sa Distrito sang Arevalo alas 7:20 sini lamang nga gab-i.
Ginhiwat sang Arevalo PNP sa koordinasyon sang Philippine Drug Enforcement Agency ukon PDEA ang buy bust operation sa Sto, Nino Norte, Arevalo nga nagresulta sa pagkadakop sa subject nga si Andy Garcia, 18 anyos sang nasambit nga lugar.
Gindakop si Garcia matapos gindaho sini si poseur buyer ang isa sa sachet sang suspected shabu nga ginbakal sa iya sa balor nga 600 pesos.
Nakuha man sa posisyon ni Garcia ang isa ka pakete sang sigarilyo nga may nasulod nga apat ka sachet sang shabu.
Samtang gin-aresto man ang isa ka 17 anyos nga lalaki sang Quintin Salas, Jaro nga kaupod sang subject bangud sa obstruction of justice.
Ini matapos gintuyo sini nga buligan si Garcia nga makapalagyo kag nagpugusay sa mga pulis.
Sa karon priso na sa Arevalo Police station ang duha kag magapangatubang sang nagakaigo nga kaso.
