Kini ang tipik sa mga mensahe ni Regional Director Marie Elaine Unchuan sa Department of Tourism region X agig pagdayeg sa Provincial Government of Bukidnon sa subling pagsaulog niini sa Kaamulan, atol sa gipahigayon nga Kaamulan 2022 Culture and Arts Exhibit sa Atrium, Robinsons Place, Valencia, Bukidnon.
Sumala ni Director Unchuan nga ang Kaamulan usa sa mga mamahimong instrumento sa pagpakusog ug subling pagbangon sa ekonomiya sa turismo ug patigayon human nga sobrang naapektuhan sa pandemya nga hatud sa COVID-19.
Samtang atol sa maong kalihokan mipaambit usab sa pamahayag si OIC Provincial Administrator Atty. Paul Vincent Villegas, sa dakong pagpasalamat sa mga paningkamot sa probisyal nga panga-gamhanan nga nagpabiling lig-on ug nakigtimbayayong hinungdan nga subling pagbukas sa kasaulogan sa Kaamulan karong tuig human hinay-hinay na usab nga nagbalik sa normal ang mga kalihukan gumikan sa COVID-19.
Gipasalamatan usab ang hiniusang paningkamot sa DTI-Bukidnon ug PGO-Provincial Tourism sa tabang sa DoT Region X nga ma plastar ang Kaamulan 2022 Culture and Arts Exhibit nga mapakita gayud sa katawhan ang mga dekalidad nga produkto sa Bukidnon.
