Gisupak ni Police Regional Office -7 Director , Chief Supt. Debold Sinas ang pahayag ni Cebu City Mayor Tomas Osmeña nga di na luwas ang dakbayan sa Sugbu taliwa sa sunod-sunod nga krimen ilabi na ang pagpatay .
Gikuhaan ug base ni Osmena ang iyang kabalaka sa dugoong mga hitabo niadtong Martes, Hulyo 10 nga sunod-sunod ang insidente sa pagpatay sud lang sa tulo ka oras .
Ang gipasabot mao ang shootout sud sa Archbishop`s Residence diin napatay ang armadong lalaki nga si Jeffrey Cañedo human nakigpinusilay sa mga pulis .
Ikaduha ang pagkapagan sa 4-anyos nga bata nga si Bladen Skyler Abatayo sa saag nga bala atol sa anti-drug operation sa Bato Ermita ug dayon ang pagpusil- patay sa konsehal sa Kalunasan nga si Ruel Mabano .
Apan alang ni Sinas bisan sa sunod sunod nga krimen kagahapon, maisip pa gihapon nga mas luwas nga puy-an ang dakbayan sa Sugbu itandi sa ubang lugar sa nasud .
