Tapaz, Capiz – Pilason ang isa ka lalaki matapos nga nabun-an alas 7:30 sang gab-e sa Brgy. Taft banwa sang Tapaz.
Ginkilala ang biktima kay Rutchel Daniel y Katipunan, 34-anyos sang Brgy. San Francisco Tapaz nga nag-angkon sang samad sa tiyan.
Base sa imbestigasyon sang kapulisan, yara naga-inom sa waiting shed ang grupo sang mga biktima sang nag-abot ang grupo sang suspek nga nagahingalan kay Juvy Acero, 32-anyos sang Taft Tapaz.
Bangud sa indi maayo nga pagtinulokay kag pagbayluhanay sang malain nga tinaga, hinali nga naggabot sang ginasukbit nga kutsilyo ang suspek kag gilayon nga binuno ang biktima.
Madasig nga gindala sa Tapaz District Hospital ang biktima apang ini ang gin-refer sa Western Visayas Medical Center sa Iloilo.
Padayon pa nga atlarge ang suspek matapos nga nagpalagyo dala ang kutsilyo nga gingamit sa krimen.
(Photo from web)
