Sugyot nga ideklarang ubos sa state of calamity ang Barangay Bugo, wala naaprobahan sa city council

17

Wala makalusot  sa City Council ang sugyot ni Councilor Teodulfo Lao Jr. nga ideklarar nga state of Calamity ang Barangay Bugo human naigo sa dakong baha niadtong milabayng simana.

 

Matud ni Lao nga ang iyang sugot, gitugyan lang una sa Committee on Social Services ni Councilor Gerlie Balaba alang sa dugang pagtoon.


 

Gibutyag ni Lao nga gi-defer ang iyang sugyot human ang mga  barangay officials sa Bugo napakyas pag-submit sa ilang validation reports sa City hall nga maoy usa sa  daghang gikinahanglang rekisitos sa pag-declare nga state of Calamity.

 

Matud ni Lao  nga gusto ni Vice Mayor Kikang Uy nga masunod ang gimando sa  Republic Act 10121 nga nagtakda sa mga requirements sa pagdeklarar sa state of Calamity sa usa  ka local government  unit.

 

Sa pikas nga bahin.

 

Gipahayag ni Kagawad Balaba nga iya nang gisugdan ang pagtoon sa iyang committee kon angayan bang i-declare  o dili nga state of Calamity ang Barangay Bugo.

 

Apan matud ni Bugo Barangay Chairman Vic Talingting nga walay problema alang kaniya kon dili ma-declare nga state of Calamity ang ilang barangay basta mahatagan lang sa dugang ayuda financial ang 2,600 ka mga pamilya nga apektado sa maong baha.

 

Facebook Comments

From Advertisers