Davao City- Suportado sa Eastern Mindanao Command (Eastmincom) ang sugyot karon ni Presidente Rodrigo Duterte ngadto sa kongreso nga sugtan siyang magdeklara og general amnesty alang sa mga miyembro sa New People’s Army kun NPA nga mubalik sa sabakan sa gobyerno.
Sa interbyu sa DXDC RMN Davao kang Major Ezra Balagtey, tigpamaba sa Eastmincom, sigun niini kanunay nilang ginasuportahan ang lakang sa presidente ilabi na nga alang usab kini sa kalinaw sa Pilipinas.
Dugang ni Balagtey, kalinaw ang tumong ni Presidente sa planong pagdeklara sa amnestiya gani mao pud ang ginatinguha sa kasundaluhan diin panawagan ni Balagtey sa mga rebelde nga kuhaon kini nga tsansa og madayon man ug maaprubahan sa kongreso ang maong sugyot sa pamuno-nasud.
Gilauman sa Presidente nga daghan ang musurender pinaagi sa maong amnestiya sa musunod nga mga bulan apan giklaro niya nga walay apil niini ang mga dunay kasong pagpatay.
Gisiguro usab ni Presidente Duterte nga hatagan og pabalay, trabaho ug i-integrate sa Armed forces of the Philippines (AFP) sa panahon nga musurender na sila.
RadyoMan Renz Barbarona
