‘Suicide chat room’ gikabalak-an

47

Davao City – Angay bantayan karon ang usa ka chat room nga nagaagni sa paghunos sa kinabuhi.

Kini ang gibutyag ni Philippine Mental Health Association kun PMHA Davao chapter executive manager Precious Manliguez atol sa interview kaniya ni RadyoMaN Misel Miral-Galve.


Sumala niya nga dunay tulo nila ka mga kliente nga mga batan-on, dili magkaila apan nagsaysay sa perehong panghitabo.

Matud pa nga parehong chat room ang ilang gisudlan ug didto nakakat-un sa konsepto sa suicide.

Ginaawhgag matud pa ang mga miyembro sa maong chatroom nga isaysay ang mga giagian sa kinabuhi, mga kalisod o bisan unsang pagsulay diin human niini didto na usab agnihon ang miyembro nga mag-suicide.

Tungod niini, tambag ni Manliguez nga kinahanglan na manginlabot ang ginikanan sa aktibidad sa mga anak aron mababagan ang posibleng resulta sa pag-agni sa kabatan-unan sa maong chatroom bahin sa pagpakamatay.

Dugang pa nga kinahanglan usab magbinantayon ang kabatan-unan ug dili magpataka og paminaw sa di maayong tambag sa uban.

Alang sa mga pangutana bahin sa nahisgutan, mamahimo usab mubisita sa PMHA Office sa Brgy. 76-A, Pag-asa St., Phase 2, S.I.R Matina, Davao City o mutawag sa contact number nga 298-8579.

RadyoMaN Renz Barbarona

Facebook Comments

From Advertisers