Suicidio

8

Un madre-de-familia ya culga su ferscueso adentro del diila casa na Purok 4, Lunzuran enantes aga.
El pulis ya nombra con el victima como si Melinda Pontillas y Montebon, 45 anios de edad y casao.
Asegun consu anac mojer si Ericka, 17 anios, alas 5 del aga ya disperta le dormido pa su nana na su costaoi.
Nohay tarda ya anda ya na su trabaho si Ericka y alas 8 del aga otro miembro del familia ya descubri bitay ya si Pontillas.
Ya habla el capitan del Lunzuran si Joel Jose ya alcansa pa le con Pontillas tiene lasao manta na su fescueso y amo este le ya usa para culga su fescueso contra na techo del casa.
Masquin nohay mas resuelio si Pontillas, ya tene que lleva corre conele na hospital si Kap Jose pero nohay swerte dead on arrival este na hospital.
Nohay tambien habla el familia si cosa el rason si porque ya comete suicidio si Pontillas.

Facebook Comments