Sukarap sakit na sa ulo sa kapulisan sa Gensan

General Santos City-Gi-angkon ni Police Senior Superintendent Raul Supiter, City PNP Director sa Gensan City Police Office nga problema na gyud sa katilingban ang mga Children in Conflict With The Law (CICL) o mas naila sa tawag nga “Batang Sukarap”.

Sumala niya nga basi sa ilahang datus, mukabat sa 59 ka mga kaso ang gilangkuban sa mga CICL ug may pinakadaghan mao ang Police Station 6. Apan iyahang gibutyag nga na-file na ang maong mga kaso gikan sa bulan sa Enero hangtud na sa karon.

Dugang pamahayag ni Col. Supiter nga atol sa ilahang gipahigayon nga conference uban ang mga kapitan sa barangay, ilaha matud pang gi-angkon nga aduna gyu’y presensya sa sukarap sa ilahang mga barangay.


Usa matud pa sa mga nakit-ang problema sa mga kapitan mao ang pagsustain sa ilahang mga brgy. tanod aron sa pagpakgang sa presensya sa mga sukarap, ingon man ang R.A 9344 kon ang Juvenile Welfare Act kung asa dili niini mahatagan ug kasulbaran ang problema sa mga sukarap sa dakbayan. (Dave Silagan)

Facebook Comments