Suma Total sa Straight to the Point: One More Chance

6

Davao City – Diha sa Bibliya kun ‘Book of Books’ partikular diha sa Ecclesiastes 3: 1-8, adunay bulawanon kaayong pahinumdom ang Kahitas-an kanatong tawo:

“There is a time for everything,
and a season for every activity under the heavens:
a time to be born and a time to die,
a time to plant and a time to uproot,
a time to kill and a time to heal,
a time to tear down and a time to build,
a time to weep and a time to laugh,
a time to mourn and a time to dance,
a time to scatter stones and a time to gather them,
a time to embrace and a time to refrain from embracing,
a time to search and a time to give up,
a time to keep and a time to throw away,
a time to tear and a time to mend,
a time to be silent and a time to speak,
a time to love and a time to hate,
a time for war and a time for peace.

Alang nako, adunay mga panahon diin gumikan sa panginahanglanon sa higayon, ang tawo mapugos pagbitbit ug armas sa ngalan sa pagpanalipod sa iyang kaugalingon, pagdepensa sa iyang mga mahal sa kinabuhi ug sa atong malinawong pagkinabuhi ibabaw ning kalibutan kun ang atong ‘peaceful way of life.’

Apan tupad niana, aduna usay mga higayon diin ang tawo mopadaplin usa sa iyang kaligutgot ug kasuko ngadto sa nakapasakit kaniya ug sa iyang mga kakaubanang lungsuranon haron pursigihon ang mga butang kun tumong nga mas daku pa kaysa kanato o sa atong sentimyentong atong gihambin sulod sa atong mga dughan.

Kini ‘tong mga higayon diin bisan kun sakit tuod sa atong kasingkasing ang pagpasaylo sa naka-among o nakasala ngari kanato, ato gihapon silang tagdon ug hatagan sa tsansa ug oportunidad sa ngalan sa kahapsay sa atong hiniusang kaugmaon.

Oo, husto ang panultihon: ‘If you want peace, prepare for war’ – ‘si vis pacem para bellum.’ Kun tinguha mo ang pagpalig-on sa kalinaw, andama ang imong kaugalingon sa pag-martsa ngadto sa panggubatan.

Apan dili kita pwedeng mag-away na lamang hangtud sa kahangturan, Pinoy kontra Pinoy, nga magtigi kita ‘matira ang matibay’ kay gustohon man nato’g sa dili, walay modaug sa gyera: Kitang tanan pilde.

Unta ma-realisar na sa mga pwersang naggunit ug armas nga molampos man tuod sila sa ilang katuyuan apan kawang ug anugon kini nga kadaugan kon ang nasakripisyo sa bangi mao ra usab ang atong isig-kaingon.

The sooner we realize the futility of war, the better for all of us to renounce it so that we can start searching for the middle, common ground and start talking – rather than shooting and killing each other until no one is left standing anymore.

RadyoMaN June Duterte

Facebook Comments