Sundalo dakpan sa droga

179

Davao City – Arestado sa Talomo PNP ang usa ka sundalo human nakuhaan og shabu nga mukantidad og P22,000 atol sa gikasang buy-bust operation Huwebes sa gabii sa Purok 12 Brgy. 31-D, Quezon Boulevard, siyudad sa Davao.

Sa report gikan sa Talomo PNP, naila ang dinakpan nga si Staff Sergeant Paolo Plasabas alyas Bogart, 47 anyos, ilawom sa 10th ID Philippine Army nga taga-DDF Subdivision, Mandug, ning siyudad.


Narekober usab sa kapulisan ang tulo ka pakete nga gituogang shabu, mga pinaugang dahon sa marijuana, ug ubang illegal drug paraphernalia.

Gikonsidera sa kapolisan sa Talomo PNP nga high value target ang dinakpan kinsa napamaligya og shabu sa nahisgutang lugar.

Si alyas Bogart balhog na sa Talomo PNP ug gihikay na sa kapolisan ang kasong may paglapas sa Akta Republika 9165 kun Comprehensive Dangerous Drugs Act of 2002.

RadyoMaN Don Pulayao

Facebook Comments

From Advertisers