Sundalo nga nagbabaligya hin "droga", nadakop

1353

TACLOBAN CITY – Nadakop han Philippine Drug Enforcement Agency (PDEA) an usa nga sundalo nga nagbabaligya hin illegal nga droga ha Purok 2, Brgy. Maulong, Catbalogan City, Samar dida han nakalabay nga dominggo, February 24, 2019.

Subay ha report han PDEA, ginkilala an suspek nga hi Corporal Agapito Matias Antonio, 32 anyos, usa nga myembro han Philippine Army, residente ha Sultan Kudarat.

Napalit han posuer buyer han pdea tikang ha sundalo nga suspek an tulo (3) kapakete han gin-aaligar shabu ha kantidad nga P1,500 nga may kabug-at nga 0.21 gramo.

Maatubang an suspek ha mga kaso nga sale ngan possession of illegal drugs han R.A 9165.

Paslak na an suspek ha Catbalogan City Police Station.

Facebook Comments