Sundalo patay sa bangga

50

Davao City – Leksyon karon sa mga driver og motor nga mag-igmat sa pagdrive aron dili madisgrasya ug aron dili maangol o dili ba kaha sayo mupanaw ibabaw aning kalibutana.

Kini human duha ka motor nagsungag sa highway sa Chan Village, Mandang, Barangay Central Mati City, Davao Oriental, nga miresulta sa kamatayon ni PFC Jeffrey Rejas nga sakop sa 28th IB Philippine Army.

Nasayran nga samtang nagbiyahe ang biktima sakay sa iyang motorsiklo, misidsid kini sa laing motor nga gidrayban ni Sauderio Banata alas 8:10 sa buntag.

Gumikan sa impact sa pagkatumba, dead-on-arrival nahidangat sa Sain Camillus Hospital ang sundalo samtang gitambalan si Sauderio lakip ang iyang asawa ug anak kinsa gina-obserbahan karon sa ospital.

Padayon pa mihimo og imbestigasyon ang Traffic Section sa Mati City Police Office (MCPO) labot sa panghitabo samtang ang duha ka motor temporaryong gikustodiha sa mao nga buhatan.

RadyoMaN Joel Viray

Facebook Comments