Sunod-sunod nga kaso sa pagpamusil sa Polomolok, dili pa alarming

28

General Santos City–Dili makonsederang alarming ang sunod sunod nga kaso sa pagpamusil patay sa lungsod sa Polomolok, kini ang gikabutyag ni Police Sr. Inspector Romeo Albano, ang Deputy Chief Of Police sa Polomolok PNP.

Sumala niini nga kontrolado pa nila ang sitwasyon sa kasamtangan. Gani sumala pa ubang kaso sa pagpamusil patay sa ilang AOR aduna nay mga suspek ug aduna na silay mga napasakaan ug kaso.


Dako ang pagtuo ni PSI Albano nga walay koneksyon ang nahitabong pagpamusil sa ilang AOR.

Sumala niini nga matag kaso sa pagpamusil adunay mga nagkandaiyang motibo kung asa mga biktima adunay mga kaso, samtang pipila kanila adunay mga atraso.

Hinuon mas lawom nga imbistigasyon ang iyang gipatuman aron nga mahatagan ug kasulbaran ang sunod sunod nga kaso sa pagpamusil sa ilang lugar.

Facebook Comments