Sunod-sunod nga oil price rollback gikalipay

62

Davao City – Gikalipay sa usa ka Public Utility Vehicle (PUJ) driver ang sunod-sunod nga price rollback sa petrolyo.

Sa pakighinabi sa DXDC RMN Davao kang Bangskie Tampus, taga Catalunan Grande ning dakbayan sa Davao, dako-dako sumala pa ang iyang kita ug makadugang palit og bugas alang sa iyang pamilya tungod sa sunod-sunod nga pag-ubos sa presyo sa gasolina.


Sumala pa ni Tampus nga naglaum kining aduna gihapoy rollback nga mahitabo karong bulana subay sa iyang naobserbahan matag bulan sa Disyembre.

Samtang wala usab sumala pa nabati ni Mary Joy Orias, usa ka estudyante ug usa ka commuter, ang epekto sa oil price rollback tungod kay walay pag-usab sa presyo sa pletehan.

Bisan pa man, naglaum gihapon kining mu-obos ang pamasahe nga dakong matabang sa iyang pamilya nga commuters usab ug kaniya isip estudyante.

Kahinumduman nga nagpatuman og P2 matag litro sa gasolina ang ubang kumpanya sa lana niadtong Sabado o unang adlaw sa Disyembre ug laumang musunod sa pagpatuman ang ubang mga kumpanya sa sunod semana.

RadyoMaN Kirby Manzon

Facebook Comments