Sunod-sunod nga shooting incident sa Gensan gikaalarma na sa grupong I-DEFEND

27

General Santos City—Nagpasibaw sa iyang kadismaya ang Chairman sa Grupong I-Defend nga si Ben Sumug-oy tungod sa sunod-sunod nga nahitabong pagpamusil patay karong bulan sa Enero dinhi sa Gensan.

Sumala ni Sumug-oy nga makaalarma na ang maong insidente , nga gikalambigitan sa motorcycle Riding Criminals.


Iyang gikadismaya ang kawad-on ug aksyon sa mga opisyal sa syudad kalabutan niini.

Matud pa ni Sumug-oy nga ang nahitabong pagpamusil sa syudad ang dawsa gibaliwala nalang sa mga opisyal ug bisan na sa mga katawhan diin ang maong panghitabo ug ang maong sitwasyon delikado alang sa usa ka lugar.

Nasayran nga adunay mga biktima sa pagpamusil kung asa ginalambigit ang ilang mga pangalan sa iligal nga droga nga maoy hugot nga kampanya karon sa gobyerno.

Apan hagit ni Sumug-oy nga kung ang mga drug addict ginapatay tungod kay gikonsiderang sagbot sa katilingban, patyon nalang usab ang ubang perwesyo sa katilingban sama nalang sa mga anaa sa gobyerno nga mga corrupt.

Facebook Comments