Sunog kanina ha Tacloban, nagtikang ha usa nga tindahan

TACLOBAN CITY – Nahikalasan an mga residente ha Brgy. 59 Picas ngan Brgy. 62-B Kalipayan dinhi ha syudad han Tacloban han mahinabo an sunog kanina han 2:55 han kaagahon ha nasabi nga mga barangay.

Ha interview han RMN kan Fire Officer (FO) 3 Anthony Alvin Duran, nagtikang an sunog ha usa nga tindahan basi han ira imbistigasyon.

“Nagtikang an sunog ha may ML Market Savers Enterprises, dida han 2nd floor hito nga tindahan.”


“Naapektuhan hini an mga higrani or sapit nga mga stall. Mayada 9 nga stall an nasunog nga 2 nga panimalay.”

Nasunog an panimalay nga gintatag-iyahan nira Juan Lacaba, Buena Agua Gimson ngan Minley Tisado.

Dugang ha pamahag ni Duran, malaksi nga nagkalat an sunog tungod nga an structures han mga stall ngan panimalay in light materials la.

“Mostly kasi an ira mga structures are made of light materials ngan hadto kasi liwat nga time in makusog an hangin amu nga malaksi kumalat an kalayo.”

Basi pa ha imbistigasyon han Bureau of Fire Protection (BFP) Tacloban, faulty wiring an nahinabo amu nga nagkasunog.

PHP1.2-million pesos naman an danyos hini nga panhitabo.

Facebook Comments