Sunog naglarab ha Catarman Public Market

354

TACLOBAN CITY – Naugbaw hin sunog an usa nga building ha Catarman Public Market, Catarman, Northern Samar dida han sabado han gab-i, Marso 16.

Subay han report tikang ha Police Regional Office 8, nagtikang an sunog ha sakob mismo han building ngan tigda nala ini nga lumarab.

Sumala han Bureau of Fire Protection (BFP), faulty electrical wiring an hinungdan han sunog. Umabot pa sobra usa ka oras antis nga gindeklara an fire-out.

Nagburublig pa an mga fire trucks tikang ha Lope de Vega ngan Mondragon.

P2-million an danyos han insidente.

Maupay nala nga waray casualty pero nagpahinumdom an BFP nga siguraduhon nga diri nagsasarang an mga kable han kuryente para malikayan an sunog.

(PHOTO BY: Francis Balingit Comandre)

Facebook Comments