Sunog niulbo sa lungsod sa Midsalip

Midsalip, Zamboanga del Sur – Samtang maayong pagkahinanok kagabii gipukaw sa sunog ang mga lumulupyo sa Purok 3, Poblacion B sakop sa lungsod Midsalip ning probinsya sa Zamboanga del Sur.
Alas 11:27 kagabii niulbo ang kalayo sa balay nga gipanag-iyahan ni Felipe Perales nga girentahan ni Eddie Sumalpong, 52-anyos, residente sa nasangpit nga lugar.
Daling niresponde ang mga sakop sa Municipal Local Disaster Risk Reduction Management Office ug tropa sa Bureau of Fire Protection ug gibugno ang kalayo rason nga pagpatong sa alas 11:44 gideklara kini nga fireout.
Hinoon walay gikataho nga nasamdan ug namatay sa maong hitabo diin sa ulahing impormasyon nga nahipos sa RMN DXPR Pagadian, mobalor sa 80 mil ka pesos ang damyos sa maong sunog .

Facebook Comments