SUNOG | PRINCIPAL’S OFFICE SANG SAN SALVADOR ELEMENTARY SCHOOL SA BANWA SANG BANATE, NASUNOG.

Nasunog ang principal’s office sang San Salvador Elementary School sa banwa sang Banate subong lamang nga gab-i (Pebrero 28).

Ginpahayag ni Police Captain Genesis Roque, hepe sang Banate PNP nga nagtuhaw ang kalayoi mga alas 8 sini nga gab-i apang pasado alas 9:30 na nakabaton sang tawag ang Bureau of Fire Protection.

Bangud sini, natupok gid sang kalayo ang nasambit nga opisina antis pa nag-abot ang bombero.


Nahibaluan nga suludlon pa ang eskuwelahan kag medyo malayo sa banwa ang nasambit nga barangay.

Sa karon, wala pa mahibaluan kon ano ang ginhalinan sang kalayo kag kon pila ang kabug-usan nga kahalitan sang sunog.

Facebook Comments