Sunog sa Boarding house ug usa ka balay sa Labangal miabot ug 70-mil ang damyos

21

General Santos City–Padayon pa ang ginahimong pagsuta sa Bureau of Fire Gensan ngadto sa hinungdan sa sunog nga nahitabo sa Purok Saway, Labangal.

Matud ni Senior Fire Officer 3 Allan Rey Imperio, sa BFP Gensan nga gidudahang tungod sa napasagdahang niluto ang hinungdan sa sunog apan wala pa kini kumpirmasyon tungod nagpadayon pa ang ilang imbestigasyon.


Nasayran nga ugdaw gyud ang usa ka boarding house ug usa ka balay gumikan sa maong sunog, samtang usa ang natalang nakaangkon ug Minor injury.

Dugang pagbutyag ni Senior Officer 3 Allan Rey Imperio nga mukabat sa 70 thousand pesos ang damyos sa maong sunog.

Nasayran nga dali lang gilamoy sa kalayo ang boarding house tungod gama kini sa light materials.

Panghimangno nalang ni Imperio sa katawhan nga mag-amping batok sunog.

Facebook Comments