SUNOG SA GUIMARAS | Duha ka balay natupok sa sunog sa Probinsya sang Guimaras.

Natupok ang duha ka balay sa nagluntad nga sunog sa banwa sang Buenavista, Guimaras.

Ang mga balay nga nasunog ginapanag-iyahan nanday Honey Grace Abelantar kag iloy sini nga si Dalia Monserat, sang Sitio Hulot, Barangay Sto. Rosario, Buenavista, Guimaras.

Suno sa Buenavista PNP, wala sang tawo sa duha ka balay sang magtuhaw ang kalayo kag naglamon sa duha ka balay.

Padayon pa nga gina-imbestigahan sang Bureau of fire protection ukon BFP kon ano ang gintunaan sang sunog kag kon pila ang kahalitan nga natuga sini sa mga tag-iya sang balay.