ILOILO City – Ginapatihan sang Bureau of Fire Protection ukon BFP nga posible short circuit ang gintunaan sang sunog nga nagluntad sa Brgy. Liberation, City Proper kahapon sang aga.
Ginpahayag ni FO1 Marlene Beth Denaga, arson investigator sa Iloilo city BFP, naupos gid ang balay nanday Josie Jando kag Liberation barangay kagawad Ariel Bondiola.
Samtang, partially damaged naman ang mga balay nanday liberation Punong Barangay Niel Parson kag Corazon Talha lakip ang Iloilo Fo Guang Yuan building.
Ginabanta nga naglab-ot sa kapin 300, 000 pesos ang natuga nga kahalitan sang nasambit nga sunog suno sa BFP.
Duha ka bombero nga ginkilala nga sanday FO1 Mark Ian Animas kag SFO1 Rollin Hormina ang napilasan sa insidente.
Facebook Comments
