Suporter sang Dawla Islamiyah, patay sa implementasyon sang search warrant sa Polomolok, South Cotabato.

17

Patay ang target sa ginpatigayon nga implementasyon sang search warrant sa pagbayolar sa Sec 12, Art. II sang R.A. 9165 sang gintingob nga pwersa sang Polomolok MPS, SCPMFC kag Intel Operatives sang 5th SF sa Brgy. Koronadal Proper, Polomolok, South Cotabato, pasado alas 7:00 kahapon sang aga, Mayo 21, 2021.
Ginkilala ang suspek kay Abdula Lido, 47 years old kag residente sang Prk 1, Brgy. Koronadal Proper, Polomolok, South Cotabato kag supporter suno pa sang Dawla Islamiyah nga ang bag-o nga pangalan sa subong ang Daesh/Da’ish group.
Suno pa sang namutikan sang suspek ang presensya sang kapolisan gintiro niya ang implementing team rason nga nagluntad ang firefight.
Gilayon nga gindala sa ospital ang suspek, apang gindeklarar nga dead on arrival sang attending physician.
Narekober naman ang mga ebidensya batok sa suspek nga ginalakipan sang small sling bag nga may unod nga apat ka disposable lighters, 7 ka empty transparent cellophanes, 12 ka heat sealed transparent plastic sachet nga may unod nga shabu nga may kabug-aton nga more or less 0.312 gram kag may DDB value nga P6,860.00/gram, blue sling bag nga may unod nga isa ka panid sang ISIS flag kag ID sang target suspect.
Nakuha naman sa lugar ang 1 ka unit sang caliber 38 revolver nga kargado sang apat ka bala, 1 ka basyo sang nasambit nga armas luthang kag isa ka pares sang cotton blood swab.

Facebook Comments