Supporter sa Dawlah Islamiyah, patay sa operasyon

30

Polomolok, South Cotabato – Patay ang 20 anyos na lalaki gikaingon na supporter sa of Daulah Islamiyah-SOCSARGEN Khatiba human gilusad ang anti-illegal drugs operation sa hiniusang pwersa sa PNP og Army sa may Purok Nagka-isa, Barangay Magsaysay, Polomolok, South Cotabato.

Sa inisyal na imbestigasyon sa Polomolok Municipal Police Station giila ang suspek sa pangalang Jabar Almanon y Rivera, 20 anyos, single, jobless og residente sa Purok Maharlika, Brgy. Magsaysay, Polomolok, South Cotabato.

Dugang sa kapolisan, napalitan sa police poseur buyer na pulis ang target na suspek og usa ka pakete sa gidudahang shabu.

Dihang arestuhon na ang suspek, nakamatikod kini nga operatiba sa pulis ang nakatransaksyon hinungdan mibunlot sa dala niyang pistola og pabuto ngadto sa direksyon sa police poseur buyer ug gibaslan sa kaubanang pulis.

Nahiaguman sa suspek ang gunshot wounds og gidala sa kapolisan ngadto sa Polomolok Municipal Hospital alang sa medical intervention ap an gideklarang Dead on Arrival (DOA) ni Dr. Adonis Baes.

Samtang sa crime scene, narekober pinaagi sa SOCO Team gikan sa posesyon sa suspek ang Cal. 38 na pistola na may usa ka fired cartridge case ug duha ka buhing bala sa samang kalibre sa armas, tulo ka fired cartridge case sa .9mm pistol, motorsiko sa suspek na walay plaka, pares sa tsinelas, sling bag na may unod na CCTS Card, 500 pesos na salapi isip buy bust money ug lima ka pakete sa gidudahang shabu mikantidad og P6,860.

Gilayon nga gitugyan ang mga ebedensya na iligal na droga ug armas alang sa Laboratory ug Ballistic Examination.




Una nang gisulti sa kapolisan na taga-suporta sa Daulah Islamiyah-SOCSARGEN Khatiba ug iladong tawo nga gadala og pagkaon ngadto sa mga myembro sa maong grupo na silang Saadan Macabangin ug Baharan Macabangin nga gatagoan sa area sa Brgy. Magsaysay sa nahisgutang munisipyo ingon man sa silingang lugar sa T’boli, South Cotabato.

Kasuhan gihapon sa kapolisan ang suspek ngadto sa piskalya og pagsupak sa Section 5 og 11 sa RA 9165, RA 10591 o Comprehensive Law on Firearms and Ammunitions ug Direct Assault.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120406676_2385737218387725_646237099364868199_o.jpg]

Facebook Comments