General Santos City–Pormal nang napasakaan ug kasong alarm and scandal sa Police Station 3 ang usa ka Moctar Takbir Alongan, 19 anyos, usa ka mekaniko sa motor ug nanimuyo sa Purok Maharlika, Barangay Magsaysay, Polomolok South Cotabato human kining masikop sa kapulisan tungod sa paglambigit niini sa drag racing sa National Highway Barangay Ligaya ning syudad.
Kung kahinumduman nga nasikop ang nasangpit nga suspect human nga adunay mireklamo sa Police Station 3 nga duna na usay grupo sa mga kalalakin-an ang naga pahigayon ug drag race sa nasangpit nga lugar kung diin naka bulabog matud pa mga nangatulog na nga residente tungod sa mga saba nga tambutso niini ingon man nakahatag usab ug piligro sa kinabuhi sa mga naga-agi sa maong lugar.
Misuway pa ug sibat ang nasangpit nga suspect apan na corner gihapon sa mirespondeng mga pulis samtang ang uban niini nga mga kauban ang malampuson nga nakasibat.
Sa kasamtngan gipaabot nalang sa Police Station 3 nga magpagawas ug commitment order ang korte aron nga mabalhin na sa Lanton Reformatory Center ang suspect.(Dave Silagan)
