Suspect nga napusilan sa operasyon sa police station 3 nagpabilin pa sa balay tambalanan

General Santos City–Nagpabilin pa sa balay tambalanan ang suspect nga si Medes Dulay, hamtong ang panuigon ug nanimuyo sa Malita Davao Occidental human nga napusilan sa mga persohane sa Police Station 3 tungod sa pag suway niini ug ilog sa armas sa kapulisan sa dihang i-serve ngadto kaniya ang iyahang warrant of arrest nga gipakanaug ni Hon. Judge Panambulan Mimbisa tungod sa kaso niini nga paghupot ug armas nga walay lisensya.

Sumala pa ni Police Lieutenant Felix Minion nga makaduha nga higayon misuway ug ilog ug armas ang suspect ug sa una nga higayon nakadagan kini pagawas sa area kung asa kini gidakop apan sa dihang nacorner sa mga pulis gidumog niini ang usa sa mga operatiba ug subling nangilog ug armas hinungdan nga gipabuthan na siya sa kapulisan nga naigo man sa iyahang kalawasan.

Samtang mag-atubang ug dugang kasong resisting arrest ang nasangpit nga suspect nga anaa pa karon sa hospital.


Takda man usab kasohan ug kasong obstruction of justice ang kauban nga labor sa suspect nga si Edward Swerte human nga nagpugong-pugong sa kapulisan nga arestohon ang suspect gani nahimo pa niini sa pagtago ang nahisgutan aron nga dili madakpan sa kapulisan.

Hugot man usab nga gipanghimakak ni Edward Suerte ang aligayson nga gitaguan niini ang nasangpit nga suspect ug gitabangan nga makasibat aron nga dili masikop.

Sumala pa sa nahisgutan nga wala gayud siya nasayud nga wanted diay ang iyahang kauban ug sa dihang nagkagubot na matud pa sa dihang gi-aresto ang suspect anaa kini sa likod sa ilahang gitrabauan kay adunay gibuhat.(Dave Silagan)

Facebook Comments