General Sntos City—Mitahan sa Police Station 4 ang usa ka Raul Paul Rodrigez, 24, lumulopyo sa Purok Masunurin, Barangay San isidro, Gensan human nga gibunalan niini ug pala ang iyang bayaw nga si Maria Kristine Rodriguez , 30, residenti sa samang lugar.
Sumala sa suspect nga iya kining nahimo ngadto sa biktima tungod kay wala na niini napugngan ang iyahang kalagot sa nasangpit human nga gisulong sa nahisgutan ang iyang iyang inahan nga si Rita Ballentes.
Giaway matud pa ug maayo sa maong babaye ang iyang inahan tungod lang sa risibo sa kwarta ug risibo sa land rights nga wala matud pa nahatag sa iyang inahan ngadto kaniya.
Nasayran nga nakaangkon ug samad ang iyang bayaw kansa gidala gilayon sa ospital human sa insidenti. Samtang siya miuli pa sa ilang balay ayha kini mitahan sa iyang kaugalingon sa kapulisan. (Dave Silagan)
