Suspek nga midunggab ug migulgol sa 23 -anyos nga dalaga sa Brgy Tinago Cebu City nadakpan na

Gihangop sa pamilya sa 23 anyos nga dalaga nga gipatay sulod sa iyang boarding house sa Barangay Tinago dakbayan sa Sugbo ang pagkasikop sa suspek sa kremin.
Nadakpan si Emaelito Familiar jr. sa may Mandani Bay area sa syudad sa Mandaue diin nagtago kini sa balay sa iyang uyoan human niini mapatay si Charice Mae Mancia sa Tinago.
Matud sa iyaan sa biktima nga si Josephine Antig nga sa pagkadakop na sa suspek, hayan mahiluna na usab ang kalag sa namatay.
Matod ni Sr. Insp. Joemar Pomarejos hepe sa Waterfront police station ang uyoan na sa suspek ang mipahibawo kang PO1 Edmundo Rizarri sakop sa station 2 sa CCPO sanglit manag silingan ra sila niini sa barangay Tinago.
Mitug-an matod pa si Familiar nga lungkab ug mangawat unta siyag mga kabtangan sa balay apan nakit-an siya sa biktima nga si Mancia nga maoy hinungdan nga iya kining gidunggab.
Human sa iyang nahimo nisibat matod pa kini paingun sa Lapu-lapu sa balay sa iyang kabanay apan gitambagan kini nga mo surrender.
Misibat na usab kini paingun sa syudad sa Naga aron magpatabang nga mo layas paingun sa Dumaguete apan gibalibaran kini.
Naka hukom nalang ang suspek nga didto mag tago sa balay sa iyang uyoan sa duol sa Mandani bay sa syudad sa Mandaue.
Human masikop ang suspek mitug-an kini kang Sr. Insp. Pomarejos nga nagmahay siya sa iyang nahimong krimen diin napatay niya ang usa ka working student.

Facebook Comments