Suspek nga mipatay sa iyang kapuyo sa Polomolok, Nakasuhan na

26

General Santos City–Hingpit nang nakasuhan sa Polomolok PNP ang suspek nga si Johnny Gonzales, residente sa People’s Village, Barangay Cannery Site, Polomolok, South Cotabato kansa suspek sa pagpatay sa kapuyo niini nga si Cherry Anas, 30, residenti sa samang lugar niadtong nakalabayng adlaw.

Sumala ni Judith Anas, inahan sa biktima nga niadtong Hwebes, ila na gyud nga napasakaan ug kaso ang suspek human sa brutal niining pagpatay sa biktima.


Nasayran nga nag ugat ang krimen gumikan sa hilabihang selos nga gibati sa suspek human nga adunay laing karelasyon ang iyang kapuyo. Kahinumduman nga alas 9:00 ang takna sa buntag dihang gidunggab sa suspek ang biktima gamit ang kutsilyo igo sa iyang dughan ug sa ulo niini nga hinungdan sa iyang kamatayon.

Gibutyag sa ginang nga daan nang nag sabot ang iyang anak ug ang kapuyo niining si Johny bahin sa kahimtang sa ilang relasyon. Gitugutan matod pa sa suspek nga manguyab ug lain ang biktima sa kondisyon nga mouli gihapon kini sa ilang panimalay.

Apan niadtong nakalabayng adlaw, posibling wala na gyud kaagwanta ang suspek sa gibati niining hilabihang selos mao nga nahimo niini ang pagpatay.

Facebook Comments

From Advertisers