Suspek nga misumbag patay sa banatan-on sa Barangay Calumpang-takdang kasuhan

General Santos City–Nailhan na sa Police Station 5 ang suspek nga misumbag patay sa usa ka batan-on nga si Sherwin Macario, residenti sa Purok Fernandez, Barangay Calumpang, Gensan atol sa natigayong rumble sa purok bliss, samang barangay niadtong nakalabayng gabie.

Giila ni Police Chief Inspector Basher Alindo, hepe sa Police Station 5 ang suspek nga si Marson Asaki, residenti sa samang barangay.

Sumala ni Alindo nga aduany mga testigong nagtudlo sa suspek nga mao gyud ang misumbag sa biktima nga hinungdan sa iyang kamatayon.


Gibutyag pa ni Alindo nga ila nalang ginapaabot ang pamilya sa biktima aron nga mapasang-at na ang kaso batok sa suspetsado.

Samtang gihangyo na usab sa kapulisan ang pamilya sa suspek nga pasunrenderon nalang ang nasampit ug atubangon nalang ang kasong ipasang-at batok kaniya.

Facebook Comments