Suspek nga nag-labo patay sa isa ka senior citizen sa syudad sang Cadiz nagsungka na

17

Nagsungka na ang suspetsado nga naglabo-patay sa 61-anyos nga babaye sa ciudad sang Cadiz, alas-12:00 sang udto, Mayo 20.

Ginpahayag sa DYHB ni Lt. Col. Robert Mansueto, hepe sang Cadiz City Police Station, nga mismo ang suspetsado nga si Joel Corros ang nagpalab-ot sa ila sang surrender feelers kag ini ang ginsugat sa Brgy. Andres Bonifacio, Cadiz City.


Madumduman nga dead on arrival sa Cadiz City Emergency Clinic ang biktima nga si Nenita Aguisando sang ini ang ginlabo sang espading sang suspek.

Ginpahayag dugang ni Mansueto nga antis pa man ang krimen, ginreklamo sa barangay ni Aguisando ang suspek bangud sang nagalapaw nga sanga sang kahoy sa iya balay kag sa mga iti sang manok.

Posible suno kay Mansueto nga natandog ang bugal ni Corros rason nga iya ginbantayan ang biktima kag ginlabo sang espading.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments