Roxas City, Capiz – Yara na sa kostudiya sang kapulisan sa Roxas City PNP ang suspek nga si Billy Manalo nga amu ang ginapahayag nagbuno- patay sa biktima nga pintor nga nakilala kay Arthur Aman, 50-anyos ang pang-edaron.
Natabo ang insidente adlaw sang Domingo mga alas 11 ang takna sa aga kun sa diin antes sini nagluntad ang pagsabtanay sa tunga sang suspek kag biktima.
Suno sa inisyal nga imbestigasyon sang kapulisan, magkaupod ang duha nga naga-inum sa payag sang natabo ang komosyon sa tunga sang mga ini kun sa diin gindapal pa sang biktima ang suspek.
Diri, posible naakig si Billy Manalo rason sang pagkuha sang kutsilyo kag hinali nga ginbuno ang biktima resulta sang iya nga kamatayon.
Wala naman marekober sang mga otoridad ang kutsilyo nga gingamit sa krimen.
Ginapreparar na sang mga kapulisan ang kaso nga igapasaka sa suspek.
