Suspek nga nanglugos-patay, patay usab human mangilog ug armas

59

General Santos City— Dead on arrival sa South Cotabato Provincial Hospital ang suspek nga Sandro Ogdamin, 42 anyos nga taga Tampakan, South Cotabato human mapusilan sa hepe sa Tampakan PNP dihang mangilog ug armas.

Sumala kang Police Senior Inspector Rafael Banggay, hepe sa Tampakan Municipal Police Station nga nagpahigayon sila ug booking procedure dihang giilog matud pa sa suspek ang armas sa iyahang imbestigador.

Wala matud pa siya’y mahimo kundili i-neutralize ang suspek rason nga iyaha kining napusilan usa ka beses apan saktong naigo kini sa iyahangh dughan.

Dugang pamahayag ni PSI Banggay nga hilabihan ka paspas ang panghitabo apan gipakalro niini nga wala niya gituyo nga patyon ang suspek. Human sa insidente dali nila kining gidala sa balay tambalanan apan ala na matabang pa.

Gamit matud pa niini ang iyahang service firearms dihang napusilan ang suspek. Pagpaklaro ni PSI Banggay nga napasakaan na ug kaso ang suspek human kining madakpan apan kinahanglan matud pa kini ipa-ilalom sa booking procedure isip parte sa ilahang Standard Operating Procedure.

Gihangyo na usab niini ang kapusilan sakop sa Tambler Police Station ning dakbayan nga ipahibalo sa kabanay sa suspek nga anaa sa Brgy. Bawing ning dakbayan ang gidangatan niini human mangilog ug armas.

Sa kasamtangan, anaa na sa lokal nga punerarya ang patay’ng lawas sa suspek.

Facebook Comments