Suspek nga nangmolestiya’g iro, gipasaylo

42

Davao City – Wala nay planong mupasaka og kaso ang tag-iya sa iro nga gimolestiya sa usa ka batan-on sa Brgy. 13-B, Bajada, Davao City.

Sa interbyu sa DXDC RMN Davao kang alias Beth, tag-iya sa iro, gibutyag niini nga dili na sila mukaso ug ilaha na lamang kining gipa blotter sa pulis samtang misibat na usab ang maong batan-on.


“Wala na mi nagpasaka og kaso kay nangayo naman pud siya og pasaylo. Nalooy nalang pud ang nakakita kay nagahilak naman gud,” saysay ni Beth.

Samtang, gibutyag usab ni alias Tantan, ang nakakita sa insidente nga nangayo og pasaylo kanila ang giingong hubog nga batan-on human niini gihimo ang pagmolestiya adlawng Dominggo, Enero 19, 2020.

“Nangayo siya’g pasaylo sa amoa, ana siya ‘sorry kaayo brader’. Gi-angkon gyud niya, gitug-an gyud niya nga nahilabtan gyud niya ang iro,” tataw ni Tantan.

Nasayran nga mi-ani og nagkalain-laing reaksyon sa social media ang post sa tag-iya labot sa gidangatan sa iyang binuhing hayop.

RadyoMaN Kirby Manzon / RadyoMaN Don Pulayao

Facebook Comments