Suspek nga napatay sa engkwentro tali sa kapulisan ug armadong lalaki, nailhan na

30

Polomolok, South Cotabato–Nailhan na ang suspetsadong una nang napatay sa nahitabong engkwentro tali sa tropa sa Polomolok Municipal Police Station ug sa armadong grupo niadtong nakalabayng adlaw.

Ang suspek nailhang si Nasrudin Dansal Ludsiman, 20 anyos, minyo, residence sa Prk 2, Brgy Sumbakil, Polomolok, South Cotabato.


Nasayran nga mismong ang inahan sa suspek maoy nag-ila sa iyang anak. Ang patayng lawas sa suspek ang gidala na sa iyang kabanay ug gilubong na usab kini subay sa tradisyon sa mga kaigsuonang muslim.

Nasayran nga una nang gisita sa kapulisan ang grupo ni Ludsiman human nga kadudahan ang lihok sa mga nahisgutan apan nakigpinusilay sa kapulisan mao nga napusilan ug namatay.

Samtang ang tulo pa ka kaubanan niini ang malampusong nakasibat sa wala sayring lugar ug padayon pang gipangita sa kapulisan.

Si Ludsiman ang gikaingong miyembro sa Nilong group ug Dawla Islamiah kansa lambigit usab sa pagpang-ambush sa usa ka police sa lungsod sa Polomolok.

Facebook Comments